ნეტგაზეთი | კარალეთის ინციდენტის გამო 5 პირია დაკავებული კარალეთის ინციდენტის გამო 5 პირია დაკავებული – Netgazeti
RU | GE  

კარალეთის ინციდენტის გამო 5 პირია დაკავებული

შინაგან საქმეთა სამინისტროს ცნობით, დაკავებულია  5 პიროვნება,  რომლებიც კარალეთის ინციდენტში მონაწილეობდნენ.

შსს-ს 14 ივლისს გავრცელებული ინფორმაციით , პოლიციამ   ფაქტის ამსახველი ვიდეოჩანაწერის შესწავლის შედეგად იდენტიფიცირებულები პირები დააკავა:  შენგელია ცოტნე, გოგიაშვილი კახა, ჯანეზაშვილი ვლადიმერი, გოჩაშვილი გიორგი.


შსს -ს ცნობით, “ასევე დაკავებულია ლევან მაისურაძე, რომელმაც სიტყვიერი და ფიზიკური შეურაცხყოფა მიაყენა სააგენტო “ინფო 9” -ის ჟურნალისტ საბა წიწიკაშვილს”.  თუმცა საბა წიწიკაშვილი არა “ინფო 9”–ის. არამედ qartli.ge -ს რედაქტორია.


დაკავებულებს გორის რაიონულმა სასამართლომ 15 –დღიანი ადმინისტრაციული პატიმრობა მიუსაჯა.


დაკავებულთაგან ერთ-ერთი, გიორგი გოჩაშვილი, კარალეთის გამგეობის თანამშრომელია. სწორედ მას და  “ქართული ოცნების”  ერთ-ერთ ლიდერს კახი კალაძეს შორის მოხდა დაპირისპირება 11 ივლისს.


“ინტერპრესნიუსის” ცნობით, დაკავებულთა შორის კალაძის დაცვის წევრიცაა.

 

“ქართულ ოცნებას” ამ დაკავებებზე ჯერჯერობით კომენტარი არ გაუკეთებია.

 

ინციდენტი 11 ივლისს გორის რაიონის სოფელ კარალეთში მაშინ მოხდა, როცა იქ “ქართული ოცნების”  წევრები მივიდნენ.  

ნეტგაზეთის მასალების სხვა გამოცემებში გადაბეჭდვის წესი
netgazeti.ge