2016 წლის 8 ოქტომბრის საქართველოს საპრლამენტო არჩევნებთან დაკავშირებით სამხრეთ ოსეთის დე ფაქტო რესპუბლიკა დღეს, 6 ოქტომბერს, 21:00 საათიდან 9 ოქტომბრამდე სოფელ მოსაბრუნთან არსებულ გამშვებ სარეგისტრაციო პუნქტს ჩაკეტავს.
ნეტგაზეთის ინფორმაციით, გზის გახსნა 9 ოქტომბერს იგეგმება,”თუკი საპარლამენტო არჩევნები თბილისში მშვიდ გარემოში ჩაივლის”.
ახალგორის რაიონის ტერიტორიაზე არჩევნები არ ტარდება, ადგილობრივებს მონაწილეობა და ხმის მიცემა სოფლების – წეროვანი, ფრეზეთი და წილკანის დევნილთა დასახლებებში და იმ ქალაქებში შეუძლიათ, სადაც რეგისტრირებული არიან.
აღნიშნული გამშვები პუნქტით ყოველდღიურად 700 -მდე ადამიანი სარგებლობს.