ჟურნალისტები უშიშროების საბჭოში

30 მაისი, 2012 •

ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს.
ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

დღეს, 30 მაისს ცნობილი გახდა, რომ გუშინ უშიშროების საბჭოსთან არსებული უწყებათშორისი კომისია საქართველოს რეგიონული მედიის ასოციაციის თავმჯდომარეს, ია მამალაძეს, საქართველოს რეგიონულ მაუწყებელთა ასოციაციის აღმასრულებელ დირექტორს, ნათია კუპრაშვილს და რეგიონულ რადიოსადგურთა ქსელის ხელმძღვანელს, რამაზ სამხარაძეს შეხვდა. ინფორმაციას ”კოალიცია არჩევანის თავისუფლებისთვის” ავრცელებს.

კოალიციის ცნობით, შეხვედრას კომისიის ხელმძღვანელი, გიგა ბოკერია, საქართველოს იუსტიციის მინისტრის პირველი მოადგილე თინა ბურჯალიანი, საქართველოს შინაგან საქმეთა მინისტრის პირველი მოადგილე ეკა ზღულაძე, შინაგან საქმეთა სამინისტროს საინფორმაციო ანალიტიკური დეპარტამენტის ხელმძღვანელი შოთა უტიაშვილი და ეროვნული უშიშროების საბჭოს აპარატის წარმომადგენლები ესწრებოდნენ. საუბრის თემა ბოლო პერიოდში მედიაზე ზემოქმედების ფაქტების გახშირება და ამგვარი ფაქტების თავიდან აცილებისთვის ეფექტური პრევენციული ზომების შემუშავება იყო. ია მამალაძემ კომისიის წევრებს გადასცა ასოციაციისა და კოალიცია “არჩევანის თავისუფლებისთვის” მიერ ბოლოდროინდელი დარღვევების შესახებ თავმოყრილი მასალები.

”რადგანაც, კანონმდებლობით, კომისია უფლებამოსილია, შეისწავლოს საარჩევნო პროცესშიგამოვლენილი დარღვევები, მედიით გავრცელებული ცნობები და, საჭიროების შემთხვევაში, ეფექტურად და ოპერატიულად შეიმუშავოს რეკომენდაციები ადმინისტრაციული ორგანოებისთვის, მნიშვნელოვნად მიმაჩნია, არასამთავრობო სექტორს, მედიას მიეცეს კომისიასთან შეუფერხებელი კომუნიკაციის შესაძლებლობა, – ამბობს ია მამალაძე. მისივე თქმით, ამ შეხვედრის მთავარი მიზანი სწორედ ეს იყო.

– მისასალმებელია, რომ კომისიამ ამ შეხვედრის აუცილებლობა დაინახა და სამომავლოდაც გახსნილი კომუნიკაციის სურვილი გამოითქვა. უახლოესი მომავლისთვის დაიგეგმა პრეზიდენტის ადმინისტრაციასთან შეხვედრა, რადგან ჟურნალისტებზე ზემოქმედების ბოლოდროინდელი ფაქტები სწორედ ამ უწყების სახელს უკავშირდება,” – წერია კაოლიცია ”არჩევანის თავისუფლებისთვის” განცხადებაში.

მასალების გადაბეჭდვის წესი

„ქართულმა ოცნებამ" მიიღო რუსული კანონი, მოქალაქეების საყოველთაო პროტესტის მიუხედავად. ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა დიქტატურა.
ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, არ აპირებს დაემორჩილოს ამ ანტიკონსტიტუციურ, ანტიდემოკრატიულ კანონს და დარეგისტრირდეს უცხოური გავლენის გამჭვირვალობის რეესტრში. ჩვენ კვლავაც ვაგრძელებთ მოქალაქეების ინფორმირებას.