რუსეთ-სომხეთის დამაკავშირებელი გაზსადენის აფეთქების მცდელობაში ბრალდებულების სასამართლო სხდომაზე ერთ-ერთი ბრალდებულისა და მისი ადვოკატის განცხადებები ერთმანეთს არ ემთხვევა.
როდესაც მოსამართლემ ერთ-ერთი ბრალდებულ ჯ. მ-ს ჰკითხა, ხომ არ ჰქონდა ადგილი მის მიმართ უკანონო მოპყრობას, განაცხადა, რომ პოლიცია მას უკანონდ არ მოპყრობია.
თუმცა ამის შემდეგ მისმა ადვოკატმა მალხაზ სალაყაიამ განაცხადა, რომ მისი დაცვის ქვეშ მყოფს თავზე დაზიანება აღენიშნება და ეს ვიზუალურადაც ეტყობა.
მალხაზ სალაყაიას კვლავ არ დაეთანხმა ბრალდებული ჯ. მ. რომელიც უკმაყოფილოდ აქნევდა თავს. მოსამართლის განმეორებით შეკითხვაზე ბრალდებულმა უპასუხა: “არა, არა-მეთქი.”