მედვედევთან საუბრის საკითხზე ობამასგან საჯარო განმარტებას ითხოვენ. “რამდენადაც მოიაზრება, რომ აშშ პოზიციებს შეცვლის, საჭიროა საჯაროდ განმარტოთ, რომ რუსეთთან ცალმხრივ დათმობას ადგილი არ ექნება არც არჩევნებდამდე, არც მის შემდეგ,”- ნათქვამია ობამასთვის მიწერილ წერილში.
CNN -ის “თეთრი სახლის” კორესპონდენტის ბრიანა კეინალარის ინფორმაციით, კერძო საუბრებში პრეზიდენტებმა აშშ–ის ეგიდით ნატოს რაკეტსაწინააღმდეგო თავდაცვის სისტემის ევროპაში განთავსებაზეც გაამახვილეს ყურადღება.
“ეს არის ჩემი ბოლო არჩევნები,” – განუცხადა ობამამ მედვედევს კერძო საუბრებში, “ჩემი არჩევნების შემდეგ უფრო მოქნილი ვიქნები”.
“მესმის, ამ ინფორმაციას გადავცემ ვლადიმერ პუტინს”, – უპასუხა მედვედევმა.
ეს დიალოგი შეხვედრის ბოლოს შემთხვევით ჩაიწერეს მიკროფონებმა, რომლებიც ოთახში ჩართული ჰქონდათ აკრედიტებულ რეპორტიორებს.
უთანხმოება, რომელიც ამერიკასა და რუსეთს შორის არსებობს, ეხება შეერთებული შტატების მიერ ევროპაში რაკეტსაწინაღმდეგო სისტემის დამონტაჟებას. ანტისარაკეტო სისტემების განლაგება რუსეთ -ამერიკის ურთიერთობებში, “გადატვირთვის” პოლიტიკის მიუხედავად, პრობლემურ თემად რჩება.
