“2012 წლის ერთიან ეროვნულ გამოცდებზე ჩასაბარებლად უცხო ენად ინგლისური ენა აბიტურიენტთა 73-მა პროცენტმა აირჩია, ხოლო რუსული ენა– მხოლოდ 17-მა პროცენტმა, 7-მა პროცენტმა არჩევანი გერმანულ ენაზე, 3-მა პროცენტმა კი ფრანგულ ენაზე გააკეთა”

“ეს უნიკალური და უმნიშვნელოვანესი შედეგი იმ რეფორმებითაა განპირობებული, რომელიც განათლების სისტემაში ტარდება. სულ რაღაც ორი წლის წინ ინგლისური ენა აბიტურიენტთა მხოლოდ 45-მაპროცენტმა აირჩია, ასევე 45-მაპროცენტმა არჩევანი რუსულ ენაზე გააკეთა და თანაფარდობა ერთი ერთზე იყო.

ინგლისური ენის პოპულარიზაციის კუთხით ესოდენ დიდი წარმატება, პირველ რიგში, გამოიწვია პროგრამამ ,,ასწავლე და ისწავლე საქართველოსთან ერთად’’. ამ პროგრამის ფარგლებში, ათასობით ინგლისურენოვანი პედაგოგი ჩამოვიდა საქართველოში ამერიკიდან, კანადიდან, ავსტრალიიდან, დიდი ბრიტანეთიდან და მსოფლიოს სხვადასხვა ქვეყნიდან. უცხოელმა მასწავლებლებმა, ადგილობრივ პედაგოგებთან ერთად, ქართველ მოსწავლეებს ინგლისური ენა გაძლიერებულად შეასწავლეს, ისინი ასევე დაეხმარნენ ქართველ პედაგოგებს კვალიფიკაციის ამაღლებაში.

ეს ყველაფერი პირდაპირ მიუთითებს იმაზე, რომ საქრთველოში ინგლისური ენა დამკვიდრდა, როგორც მთავარი უცხო ენა,”- ნათქვამია სამინისტროს მიერ გავრცელებულ ინფორმაციაში.