ნეტგაზეთი | თოვლის გამო გზებზე შეზღუდვებია დაწესებული თოვლის გამო გზებზე შეზღუდვებია დაწესებული – Netgazeti
RU | GE  

თოვლის გამო გზებზე შეზღუდვებია დაწესებული

თოვლის გამო ჩაკეტილია საავტომობილო გზა საჩხერე–ჭიათურის მონაკვეთზე.

თოვლის გამო გზებზე შეზღუდვებია დაწესებული. ამის შესახებ საავტომობილო გზების დეპარტამენტში განაცხადეს.

“თოვლის გამო ჩაკეტილია საავტომობილო გზა საჩხერე–ჭიათურის მონაკვეთზე, გაწმენდით სამუშაოებს ქარბუქი აფერხებს”, – განაცხადეს დეპარტამენტში. მათივე ინფორმაციით, რიკოთის უღელტეხილზე გადაადგილება თავისუფალია.

“გადაადგილება შეუძლებელია ტყიბულისკენ, რაჭისკენ, ხოლო ყაზბეგისკენ მოძრაობა ეკრძალებათ მისაბმელიან და ნახევრადმისაბმელიან ავტომობილებს”, – განაცხადეს საავტომობილო გზების დეპარტამენტში.

მათი თქმით, მდგომარეობის გამოსასწორებლად სამუშაოები 24– საათიან რეჟიმში მიმდინარეობს.

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი