უამინდობისა და თოვლის გამო ქალაქში შექმნილ მდგომარეობასთან დაკავშირებით დღეს ქალაქ თბილისის მერი გიგი უგულავა თბილისის დასუფთავების, კეთილმოწყობის, ტრანსპორტის, სოციალური მომსახურების, საგანგებო სიტუაციების მართვისა და სასწრაფო სამედიცინო დახმარების სამსახურის უფროსებს შეხვდა.
სამსახურების უფროსებმა მერისგან სხვადასხვა დავალებები და მითითებები მიიღეს.
გიგი უგულავას ინიციატივით, ყველა იმ ადამიანს, ვინც უამინდობის გამო ტრავმული დაზიანება მიიღო და დაზღვეული არ არის, მკურნალობის ხარჯებს თბილისის მერია აუნაზღაურებს. საჭირო თანხებს თბილისის მერი საკუთარი ფონდიდან გაიღებს.
