ქუთაისში მშენებარე პარლამენტის წინ მდებარე კორპუსებში “ტელეიმედისა” და “რუსთავი 2”-ის სტუდიები გაიხსნება. ინფორმაციას ამის თაობაზე ადგილობრივი “ახალი გაზეთი” ავრცელებს.
ტელეკომპანია “იმედის” საინფორმცაიო სამსახურის პროდიუსერის, ირმა ლორიას თქმით, სტუდია მათი რეგიონული გადამღები ჯგუფისთვის იმუშავებს:
“საჭიროების შემთხვევაში, მათ დაეხმარება თბილისიდან ჩამოსული ერთი გადამღები ჯგუფი”.
“კურიერის” პროდიუსერი გიორგი ლაფერაშვილი ამბობს, რომ რეგიონებში სტუდიების მოწყობის გამოცდილება აქვთ და ეს მათ არც ქუთაისში გაუჭირდებათ:
“ქუთაისის სტუდიაში შეიძლება მოვიწვიოთ სტუმრები პარლამენტიდან, ვგეგმავთ საპარლამენტო კორესპონდენტების მივლინებასაც”.
ქუთაისში სრულად აპირებს გადასვლას “საზოგადოებრივი მაუწყებლის” მეორე არხი, რომლითაც მოხდება პარლამენტის ხსდომების ტრანსლირება პირდაპირ ეთერში.
ამავე თემაზე:
“P.S.”: ქუთაისელები ტელეიმედის სტუდიის მშენებლობას აპროტესტებენ
