შვეიცარიის ქალაქ დავოსში მსოფლიო ეკონომიკური ფორუმი დღეს გაიხსნება.

ფორუმს, რომელიც 25–დან 29 იანვრის ჩათვლით გაგრძელდება, გერმანიის კანცლერი ანგელა მერკელი გახსნის.

ეკონომიკური ფორუმი ყოველწლიური ღონისძიებაა. როგორც ოფიციალურ ვებ–გვერდზეა აღნიშნული, ფორუმს წელს 2 600-მდე პოლიტიკოსი, ბიზნესმენი და მეცნიერი დაესწრება. მათ შორის იქნება 40 ქვეყნის პრეზიდენტი და პრემიერ-მინისტრი.

წლევანდელი ფორუმის თემაა “დიდი ტრანსფორმაცია: ფორმირების ახალი მოდელები” (The Great Transformation: Shaping New Models )

წელს ღონისძიება 42–ედ იმართება, შარშან ფორუმს 100 ქვეყნის 2 500-ზე მეტი წარმომადგენელი ესწრებოდა.