სოციალური კვლევისა და ანალიზის ინსტიტუტის მიერ ჩატარებულ კვლევის მიხედვით, გამოკითხულ მოსახლეობათა 31,8 პროცენტი საქართველოს პრეზიდენტად ამ პოსტიდან მიხეილ სააკაშვილის წასვლის შემდეგ ბიძინა ივანიშვილს ისურვებდა, 12,7 პროცენტი – გიგი უგულავს, 9,3 პროცენტი – ირაკლი ალასანიას, 7,1 პროცენტი – გიორგი თარგამაძეს, 2,3 პროცენტი – დავით ბაქრაძეს, 1,5 პროცენტი – შალვა ნათელაშვილს, არცერთს – 0,9 პროცენტი.
კითხვაზე უარი 3,9 პროცენტმა განაცხდა, ხოლო 23,9 პროცენტმა აღნიშნა, რომ უჭირთ ამ შეკითხვაზე პასუხის გაცემა.
დღეს, 8 დეკემბერს, საქართველოს განვითარების კვლევითმა ინსტიტუტმა (GDRI) სასტურო “თბილისი მარიოტში” “სოციალური კვლევისა და ანალიზის” ინსტიტუტის მიერ ჩატარებული სოციოლოგიური კვლევის შედეგების პრეზენტაცია გამართა. სულ გამოიკითხა 3 000 რესპონდენტი საქართველოს 11 რეგიონში.
აღნიშნული გამოკითხვა 2011 წლის 11-22 ნოემბერს ჩატარდა, რომელიც ეხებოდა მოსახლეობის პოლიტიკური განწყობებისა და ქვეყანაში მიმდინარე პროცესების მიმართ ამომრჩეველთა დამოკიდებულების შესწავლას.
მთელი ქვეყნისთვის შერჩევის ცდომილება არ აჭარბებს 1,8 პროცენტს 95– პროცენტიანი სანდოობით.