ხვალ რომ საპარლამენტო არჩევნები გაიმართოს, რომელ პოლიტიკურ პარტიას დაუჭერდით მხარს პირველ რიგში?
გამოკითხულთა 36 პროცენტი “ერთიან ნაციონალურ მოძრაობას” უჭერს მხარს,
32 პროცენტი – ბიძინა ივანიშვილის პარტიას, 4,3 პროცენტი – “ქრისტიან-დემოკრატებს”, ლეიბორისტულ პარტიას – 1,6 პროცენტი, “თავისუფალ დემოკრატებს” – 1,5 პროცენტი, რესპუბლიკურ პარტიას – 0,8 პროცენტი.
დანარჩენი პარტიების მხარდამჭერთა პროცენტული რაოდენობა 1 პროცენტს არ აღემატება.
ხოლო შეკითხვაზე, ხვალ რომ საპარლამენტო არჩევნები გაიმართოს, რომელ პოლიტიკურ პარტიას დაუჭერდით მხარს მეორე რიგში, გამოკითხულთა 12,4 პროცენტი ბიძინა ივანიშვილის პარტიას; 12,2 პროცენტი “ქრისტიან დემოკრატიულ მოძრაობას”, 8,8 პროცენტი – “ერთიან ნაციონალურ მოძრაობას”, 5,7 პროცენტი – “თავისუფალ დემოკრატებს”, 3,5 პროცენტი – ლეიბორისტულ პარტიას, 2,5 პროცენტი – “ეროვნულ ფორუმს”, რესპუბლიკურ პარტიას – 2,0 პროცენტი.
დღეს, 8 დეკემბერს, საქართველოს განვითარების კვლევითმა ინსტიტუტმა (GDRI) სასტურო “თბილისი მარიოტში” “სოციალური კვლევისა და ანალიზის” ინსტიტუტის მიერ ჩატარებული სოციოლოგიური კვლევის შედეგების პრეზენტაცია გამართა. სულ გამოიკითხა 3 000 რესპონდენტი საქართველოს 11 რეგიონში.
აღნიშნული გამოკითხვა 2011 წლის 11-22 ნოემბერს ჩატარდა, რომელიც ეხებოდა მოსახლეობის პოლიტიკური განწყობებისა და ქვეყანაში მიმდინარე პროცესების მიმართ ამომრჩეველთა დამოკიდებულების შესწავლას.
მთელი ქვეყნისთვის შერჩევის ცდომილება არ აჭარბებს 1,8 პროცენტს 95– პროცენტიანი სანდოობით.