მთავრობის ათპუნქტიან გეგმასთან დაკავშირებით საქართველოს  პარლამენტში დღეს პოლიტიკური დებატები გაიმართება. პოლიტიკური დებატების გამართვის ინიციატივა ფრაქცია “ქრისტიან–დემოკრატებს” ეკუთვნის.

საკანონმდებლო ორგანოში დაგეგმილ პოლიტიკურ დებატებში პრემიერ-მინისტრი ნიკა გილაურიც მიიღებს მონაწილეობას, რომელიც დეპუტატების წინაშე მოხსენებითაც წარსდგება.

მთავრობის მიერ წარმოდგენილ  ათპუნქტიანი გეგმის მიზანია:

1.მაკროეკონომიკური სტაბილურობა;

2. მიმდინარე ანგარიშების ბალანსის გაუმჯობესება;

3.საუკეთესო საინვესტიციო და ბიზნესგარემოს შექმნა;

4. რეგიონალურ სავაჭრო და ლოგისტიკურ ცენტრად ჩამოყალიბება;

5. ინფრასტრუქტურის გაუმჯობესება;

6. სოფლის მეურნეობის განვითარება;

7. განათლების სისტემის გაუმჯობესება;

8. სოციალური პოლიტიკის დახვეწა;

9. ხელმისაწვდომი, მაღალხარისხიანი ჯანდაცვის სისტემის ჩამოყალიბება;

10. ურბანული და რეგიონალური განვითარება;

პოლიტიკურ დებატებში მონაწილეობას, სავარაუდოდ, ის მინისტრებიც მიიღებენ, რომლებიც აღნიშნული  პუნქტების შესრულებაზე არიან პასუხისმგებელნი.