გიორგობის დღესასწაულთან დაკავშირებით დღეს, 23 ნოემბერს, საქართველოს პრეზიდენტმა 137 მსჯავრდებული შეიწყალა. აქედან, სრული შეწყალება შეეხო 111 მსჯავრდებულს. შესაბამისად, თითოეული მათგანი დღესვე დატოვებს პენიტენციურ სისტემას.
პრეზიდენტის მიერ შეწყალებულთა შორის 6 მსჯავრდებულს გაუნახევრდა სასჯელი, 18-ს მოეხსნა პირობითი მსჯავრი, ხოლო 2 ადამიანს შეუმცირდა სასჯელის ვადა. ინფორმაცია მსჯავრდებულთა შეწყალების შესახებ საზოგადოებას რამდენიმე წუთის წინ სასჯელაღსრულების, პრობაციისა და იურიდიული დახმარების საკითხთა მინისტრმა ხათუნა კალმახელიძემ გააცნო.
