“სხვადასხვა ქვეყნის სპეცსამსახურები ყურადღებით აკვირდებიან ირანს და ისინი შეშფოთებულები არიან იმ ფაქტით, რომ ირანი მზად არის ბირთვული იარაღის საწარმოებლად,” – აღნიშნავს პერესი.
შეგახსენებთ, გასულ კვირას ისრაელის მედია ღიად ალაპარაკდა პრემიერ–მინისტრ ბენიამინ ნეთანიაჰუსა და თავდაცვის მინისტრ ეჰუდ ბარაკის ერთობლივ გეგმებზე, რომლის თანახმადაც, ისრაელი დასავლეთის დახმარებით ირანის იმ ბირთვულ ობიექტებზე გეგმავს შეტევას, სადაც, მათი შეფასებით, ირანი ატომურ ბომბს ამზადებს.
ირანის საგარეო საქმეთა მინისტრი ალი აკბარ სალეჰი კი კატეგორიულად უარყოფს ქვეყანაში ბირთვული იარაღის დამზადების ფქტს და აღნიშნავს, რომ ირანის ბირთვული პროგრამის განვითარების შესახებ ანგარიში, რომელსაც ატომური ენერგეტიკის საერთაშორისო სააგენტო (IAEA) ამზადებს, ყალბ მტკიცებულებებზეა დამყარებული.