საქსტატი: საქართველოდან ემიგრირებულია 88 500 ადამიანი

სტატისტიკის ეროვნული სამსახური მოსახლეობის 2014 წლის საყოველთაო აღწერის შედეგებს აქვეყნებს. საქსტატის მონაცემების თანახმად, საქართველოდან ემიგრირებულთა რაოდენობა 88,5 ათას ადამიანს შეადგენს. ემიგრანტთა ყველაზე მაღალი ნაკადი თბილისიდან 31.6% და იმერეთის რეგიონიდან გავიდა – 22.9%.

ემიგრანტთა პროცენტული რაოდენობა შემდეგნაირად გადანაწილდა: აჭარა – 4.5%, გურია 1.6%, კახეთი 8.2%, მცხეთა-მთიანეთი 2.5%, რაჭა-ლეჩხუმი და ქვემო სვანეთი 0.6%, სამეგრელო-ზემო სვანეთი 7.8%, სამცხე-ჯავახეთი 3.1%, ქვემო ქართლი 12,5%, შიდა ქართლი 4.6%.

ემიგრანტთა ასაკობრივი ჯგუფის მიხედვით, ემიგრირებული ქალებიდან ყველაზე მეტი 30-34 წლამდეა (6000 ადამიანი), ხოლო კაცები 50-54 წლამდე (დაახლოებით 6000 ადამიანი).

ემიგრანტები ძირითადად გადიან რუსეთში – 21.7%, საბერძნეთში – 15.9%, თურქეთში – 11.2%, იტალიაში – 10.9%, აშშ-ში – 5.7%, ესპანეთში – 4.1% და სხვა ქვეყნებში – 15%-ზე მეტი.

ემიგრანტთა საერთო რაოდენობიდან რუსეთში ემიგრირებულია კაცების 71,1% და ქალების 29.9%. საბერძნეთში – კაცების 17% და ქალების 83%, თურქეთში – კაცების 32.9% და ქალების 67.1%, იტალიაში ქალების 85,7% და კაცების 14.3%.

2014 წლის ნოემბრის მონაცემებით, საქართველოს მოსახლეობის რაოდენობა 3 713 804 ადამიანს შეადგენს, აქედან 1 772 864 კაცი და 1 940 940 ქალია. მოსახლეობის რაოდენობა წინა 2002 წლის აღწერასთან შედარებით 15%-ით ნაკლებია.

ნეტგაზეთის მასალების სხვა გამოცემებში გადაბეჭდვის წესი
ავტორი