NDI–ის მიერ ჩატარებული საზოგადოებრივი აზრის კვლევის შედეგების მიხედვით, გამოკითხულთა 63 პროცენტი რუსეთის პოლიტიკას საქართველოს სუვერენიტეტისთვის დამღუპველად აფასებს, აღნიშნულ კითხვას მხოლოდ გამოკითხულთა 8 პროცენტი არ ეთანხმება.
შეკითხვას, ამართლებთ თუ არა საქართველოს ამჟამინდელ პოლიტიკას რუსეთთან დამოკიდებულებაში, სრულ თანხმობას გამოკითხულთა მხოლოდ 9 პროცენტი უცხადებს, ხოლო არსებულ პოლიტიკას საერთოდ არ ეთანხმება გამოკითხულთა 22 პროცენტი.
პრეზიდენტ მიხეილ სააკაშვილის მოწოდებას რუსეთთან დიალოგის დაწყებასთან დაკავშირებით გამოკითხულთა 79 პროცენტი აფასებს დადებითად, წინააღმდეგი კი მხოლოდ 3 პროცენტია.
მთავრობის არსებულ მიზანს, გახდეს ჩრდილო–ატლანტიკური ალიანსის წევრი, დადებითად 74 პროცენტი, ხოლო უარყოფითად 6 პროცენტი აფასებს.
