ახალი ამბები

რიყეზე სტივ ჯობსის ხსოვნის საღამო გაიმართება

6 ოქტომბერი, 2011 | | 821
რიყეზე სტივ ჯობსის ხსოვნის საღამო გაიმართება
დღეს, 6 ოქტომბერს, 21:00 საათზე, რიყეზე, ”მშვიდობის პარკში” “Apple-ის” დამფუძნებლებს სტივ ჯობსის ხსოვნის საღამო გაიმართება.

მაღაზია ” IPhone+ – ის”  მენეჯერმა ალექსანდრე რევაზიშვილმა ნეტგაზეთს უთხრა, რომ  ხსოვნის საღამოზე დაგეგმილია სტივ ჯობსის გამოსვლების ჩვენება, ასევე მოისმენენ ჯობსის ყველაზე ცნობილი ციტატებს და აჩვენებენ კომპანიის დამაარსებლის ფოტოების სლაიდშოუს, ახალგაზრდობიდან დღემდე. საღამოზე ყვავილები და სანთლები დარიგდება.

”საღამოზე წარმოდგენილი იქნება წიგნი, რომელშიც მისულ საზოგადოებას თავიანთი ემოციების და დამოკიდებულების გაზიარება შეეძლებათ. აღნიშნული წიგნი  მოგვიანებით ამერიკაში, “Apple-ის” ოფისში გაიგზავნება.”- აღნიშნა ალექსანდრე რევაზიშვილმა.
შეგახსენებთ, რომ “ Apple-ის” დამაარსებელი სტივენ ჯობსი დღეს დილით კუჭქვეშა ჯირკვლის სიმსივნის დიაგნოზით გარდაიცვალა.

საღამო მაღაზია ”IPhone+” ის ორგანიზებით გაიმართება. ღონისძიების გამართვის უფლება მაღაზიამ თბილისის მერიისგან მოიპოვა.

ამავე თემაზე:

სტივ ჯობსის სამი ისტორია

მასალების გადაბეჭდვის წესი