ბათუმში, მემედ აბაშიძის ქუჩაზე, შპს “მწვანე ბათუმის” თანამშრომლები ხეებს ჭრიან. ადგილზე მათი ხელმძღვანელის თქმით, რომელმაც სახელი და გვარი არ გაამხილა, `ხეები დაავადებულია და განახლებას საჭიროებს, მათ ადგილებზე კი პალმები უნდა დაირგოს”. შესაბამისი გადაწყვეტილების მოთხოვნის შემდეგ მან “მწვანე ბათუმის” ხელმძღვანელთან გადაგვამისამართა;
შპს “მწვანე ბათუმის” ხელმძღვანელმა კახაბერ გუჩმანიძემ ამ თემაზე საუბარი არ ისურვა, მიზეზად კი მოუცლელობა დაასახელა; აღნიშნულ ინფორმაცია `ბათუმელებისგან~ გაიგო გარემოს დაცვის ეროვნული სააგენტოს აჭარის სამსახურის ხელმძღვანელმა და განაცხადა: `თუ „მწვანე ბათუმი“ ჭრის ყველაფერი კანონიერი ყოფილა, ნებართვა მერიას ქონია გაცემული” – განაცხადა ვასილ თავართქილაძემ.