ქართველი კინორეჟისორი, სცენარისტი, საქართველოს სახალხო არტისტი და მსახიობი ნანა მჭედლიძე 90 წლის ასაკში გარდაიცვალა.

ნანა მჭედლიძე იყო რეჟისორი ფილმებისა:” დანაშაული მოხდა”, “პლიაჟის ავაზაკი”, “უკვდავების თეთრი ვარდი”, “იმერული ესკიზები”, “გასეირნება თბილისში”, “პირველი მერცხალი”, “გელა”, “დიდედები და შვილიშვილები”, “ღიმილის დაბრუნება”, “ვიღაცას ავტობუსზე აგვიანდება”, “გზაში”,” აღმაფრენა”, “ჩქარი მატარებელი”.

1950 წელს დაამთავრა თბილისის შოთა რუსთაველის სახელობის თეატრალური ინსტიტუტის სამსახიობო ფაკულტეტი, 1957 წელს – სარეჟისორო ფაკულტეტი. კინოში მოღვაწეობა 1960 წლიდან დაიწყო სადიპლომო ნამუშევრით, კინონოველით “ჩქარი მატარებელი”.