დღეს თბილისის საკრებულო კენჭს უყრის საკრებულოს წევრის თინათინ ხიდაშელის მიერ ინიცირებულ პროექტს, რომელიც საკრებულოს თანამდებობის პირებისათვის პრემიების გაცემის აკრძალვას ითვალისწინებს.
თინა ხიდაშელმა, რომელიც რესპუბლიკურ პარტიას წარმოადგენს საკრებულოში, დღეს განაცხადა, რომ ყველაზე დიდი პრემია, რომელიც ამომრჩეველმა საკრებულოში არჩევით გამოუცხადა, – ხალხის ნდობა და ყოველდღიური შრომაა, «რათა ასეთი ნდობა კიდევ ერთხელ, ოთხი წლის შემდეგ მივიღოთ. ჩვენს საქმიანობას რაიმე განსაკუთრებული პრივილეგიები თუ ფინანსური წახალისება არ უნდა სჭირდებოდეს”.
