“სააკაშვილს ჩვენ მართლა ჩამოვაგდებთ, ოღონდ არა ასეთი კომიკური ისტორიებით. მას ჩამოვაგდებთ ისე, როგორც დიქტატორი იმსახურებს – სამოქალაქო აქტივობით და ქართველი ხალხის პოლიტიკური ნების რეალიზების გზით”,–ამბობს ეროსი კიწმარიშვილი, ქართული პარტიის ერთ–ერთი ლიდერი.
ეს განცხადება ეროსი კიწმარიშვილმა დღეს, 23 ივნისს, ქართული პარტიის ოფისში გააკეთა, როდესაც ჟურნალისტებს ხვდებოდა. მისი თქმით, ეს რეჟიმი დაემხობა. და დამხობის მონაწილე ქართული საზოგადოება იქნება.
კითხვაზე, თუ რას გულისხმობს სიტყვაში “დამხობა”, ეროსი კიწმარიშვილი განმარტავს: ” იმ გზით, რა გზითაც ემხობა მსგავსი ტიპის რეჟიმი”. ნეტგაზეთის ჟურნალისტის კითხვაზე, გულისხმობს თუ არა მშვიდობიან ფორმებს, პარტიის ლიდერი, კიწმარიშვილი აცხადებს, რომ სამოქალაქო აქტივობა ყოველთვის მშვიდოაბინია, თუმცა გააჩნია, თუ რა პასუხს გასცემს ხელისუფლება მშვიდობიან სამოქალაქო აქტივობას.
ამავე თემაზე:
სოზარ სუბარი საქართველოში აკრედიტებულ დიპლომატებს შეხვდა
შსს: ”დაკავებულია ”ქართულ პარტიასთან” დაკავშირებული შეიარაღებული დაჯგუფება”