ახალი ამბები

ნინო კალანდაძე: ”ვანუატუს აფხაზეთი არ უღიარებია”

20 ივნისი, 2011 • • 1121
ნინო კალანდაძე: ”ვანუატუს აფხაზეთი არ უღიარებია”

საქართველოს საგარეო საქმეთა მინისტრის მოადგილემ ორშაბათის ტრადიციულ ბრიფინგზე კომენტარი გააკეთა ვანუატუს მიერ აფხაზეთის დამოუკიდებლობის აღიარებასთან დაკავშირებით. ბოლო დროს ქართულ და უცხოურ მედიაში ამ ფაქტის გარშემო ურთიერთგამომრიცხავი ცნობები ვრცელდება და ოფიციალურ, უტყუარ ინფორმაციას საგრეო საქმეთა სამინისტროც არ ფლობს.

”სამწუხაროდ, ძნელია ოფიციალური ინფორმაციის მიღება ჩვენთვისაც. ჩვენ ვანუატუსთან შემოვლითი გზებით გვიწევს ურთიერთობა. ჩვენს ხელთ არსებული ოფიციალური ინფორმაციით, ვანუატუს აფხაზეთი არ უღიარებია,”-თქვა ნინო კალანდაძემ. მისივე თქმით, თუ ვანუატუს საქართველოსთან სავაჭრო და პოლიტიკური ურთიერთობების დამყარება სურს, მაშინ მათ აფხაზეთის დამოუკიდებლობა არ უნდა აღიარონ.

მასალების გადაბეჭდვის წესი