თბილისში, დადიანის ქუჩის 4 ნომერში 3-სართულიან საცხოვრებელ კორპუსში ჭერი ჩამოინგრა და პირველ სართულზე, აფთიაქის ტერიტორიაზე ჩავარდა.
არსებული ინფორმაციით, შემთხვევას მსხვერპლი არ მოჰყოლია, თუმცა დაშავდა სულ მცირე 2 ადამიანი. ისინი სასწრაფომ კლინიკაში გადაიყვანა.
სამაშველო სამსახურებმა ქუჩის 2, 4 და 6 ნომრებიდან მოსახლეობის ევაკუაცია მოახდინეს.
ადგილზე ამ წუთებშიც მუშაობენ სახანძრო ბრიგადები და საგანგებო სიტუაციების მართვის სამსახურის თანამშრომლები.
ადგილობრივების თქმით, საცხოვრებელი კორპუსი ავარიულ მდგომარეობაში იყო.
