უკრაინის პრეზიდენტის ადმინისტრაციის ხელმძღვანელის მრჩეველმა, ოლექსიი არესტოვიჩმა ახსნა, თუ რატომ არ ბომბავს უკრაინა რუსეთის მოსაზღვრე ქალაქებს, მიუხედავად ამის ტექნიკური შესაძლებლობის არსებობისა.
იუთუბ-გადაცემის, „ფეიგინ ლაივის“ წამყვანმა არესტოვიჩთან ინტერვიუში აღნიშნა:
„ისმოდა კითხვები… რომ მიდის ომი უკრაინის ტერიტორიაზე, ხოლო დიდი რუსული ქალაქები, რომლებიც საზღვართანაა, არ იბომბება უკრაინის მიერ, მიუხედავად იმისა, რომ უკრაინას ეს შეუძლია. ეს ხომ ტექნიკურად შესაძლებელია?“
არესტოვიჩმა უპასუხა:
„ [დაბომბვა] არანაირი პრობლემა არ არის. უფრო მეტიც, ამ ეტაპზე ბოლომდე გარკვეული არაა, ვუშვებ, რომ ტოჩკა იუ-თი [ტაქტიკური სარაკეტო სისტემა] გავისროლეთ, რომელიც ან დონეცკთან ჩამოაგდეს, ან ტექნიკური გაუმართაობის გამო ჩამოვარდა.
ჩვენ არ ვესვრით ბელარუსულ ან რუსულ ქალაქეებს, საიდანაც ჩვენ გვიხსნიან ცეცხლს. ეს ჩვენი პრინციპული გადაწყვეტილებაა. არ მივცემთ [რუსეთს] არანაირ შანსს, აგრესიაში დაგვადანაშაულოს“.