არასრულწლოვან პატიმართა მდგომარეობა

სახალხო დამცველის მონიტორინგის და პრევენციის დეპარტამენტი მერვე საპრყრობილეში იმყოფებოდა, სადაც არასრულწლოვანი პატიმრები მოინახულეს.

ისინი 9 ნოემბერს მეცხრე დაწესებულებიდან გამოიყვანეს.

მათი მდგომარეობის და საცხოვრებელი პირობების შეფასება დადებითია. ომბუდსმენის ოფისი წერს, რომ საკნებში, რომლებშიც პატიმრები არიან განთავსებული, არის სითბო, შესაძლებელია მისი ხელოვნური გზით ვენტილაცია. ასევე შეუზღუდავად არის წყალი.

“მონიტორინგის დროს საკნების სანიტარიულ–ჰიგიენური მდგომარეობა იყო კარგი”.

გადმოყვანის ღამეს მათ მიეცათ საშუალება, ესარგებლათ შხაპით, რომელიც მდებარეობს იმავე სართულზე, საცხოვრებელი საკნების გვერდით.” პატიმრების გადმოცემით, შხაპის მიღების შემდეგ, ისინი დაწესებულების ექიმმა მოინახულა. მათივე განმარტებით, ერთი დაწესებულებიდან მეორეში გადმოყვანამდე, გადმოყვანისას და ახალ საცხოვრებელ ადგილას მიღების შემდეგ, მათ მიმართ რაიმე სახის ზეწოლას ადგილი არ ჰქონია და მათი ეტაპირება მოხდა მშვიდ ვითარებაში”.

ომბუდსმენის ოფისი აცხადებს, რომ პატიმრებს ყველა საკანში დახვდათ ტელევიზორი, ახალი თეთრეული, ჭურჭელი და პირადი ჰიგიენისთვის აუცილებელი და საჭირო ნივთები.

 

ნეტგაზეთის მასალების სხვა გამოცემებში გადაბეჭდვის წესი
netgazeti.ge