მიმდინარე წლის 9 თვეში, ჯამში, სასამართლოებმა 9 301 პირს შეუფარდეს პატიმრობა ან რომელიმე არასაპატიმრო ღონისძიება, მათ შორის აღკვეთის ღონისძიების სახედ დაპატიმრება გამოყენებული იქნა 2456 პირის მიმართ (26,4%), ხოლო არასაპატიმრო აღკვეთის ღონისძიება – 6845 შემთხვევაში (73,6%). არასაპატიმრო აღკვეთის ღონისძიებებში გირაოს ხვედრითმა წილმა შეადგინა 91,8 %, ხოლო სულ შეფარდებულ ყველა სახის აღკვეთის ღონისძიებებში გირაოს გამოყენების მაჩვენებელი – 67,5%-ია.
რაც შეეხება სხვა არასაპატიმრო აღკვეთის ღონისძიებების გამოყენებას: გირაო პატიმრობის უზრუნველყოფით გამოყენებული იქნა 2080 შემთხვევაში, პირადი თავდებობა – 9 შემთხვევაში, არასრულწლოვანი ბრალდებულის მეთვალყურეობაში გადაცემა – 12, სამხედრო მოსამსახურის ქცევისადმი სარდლობის მეთვალყურეობა – 2, შეთანხმება გაუსვლელობისა და სათანადო ქცევის შესახებ – 238 შემთხვევაში.