სენაკის რაიონულ საავადმყოფოსა და სამშობიარო სახლში წყალმომარაგების სისტემის რეკონსტრუქციის მნიშვნელოვანი პროექტი განხორციელდა – მათ უმაღლესი სტანდარტებით გასუფთავებული წყალი უწყვეტად მიეწოდებათ. წყალმომარაგების სისტემის რეკონსტრუქცია, სასმელი წყლის ფილტრაციის დანადგარებისა და კანალიზაციის გამწმენდი ნაგებობის მოწყობა ჩეხურმა ჰუმანიტარულმა ორგანიზაცია ”ადრამ” ითავა.
პროექტი ჩეხეთის რესპუბლიკის საგარეო საქმეთა სამინისტროს ფონდის დახმარებით, ჩეხეთის რესპუბლიკის საგარეო თანამშრომლობის განვითარების პროგრამის ფარგლებში დაფინანსდა, რომელიც ითვალისწინებს რუსეთ-საქართველოს ომში განსაკუთრებულად დაზარალებულ რეგიონებში ადამიანების საარსებო მოთხოვნილების დაკმაყოფილებას, კერძოდ კი, ქალაქ სენაკის 5 სამედიცინო დაწესებულებისაგან შემდგარი სამედიცინო კომპლექსის სასმელი წყლით უზრუნველყოფას.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
