საქართველოს ეკონომიკისა და მდგრადი განვითარების სამინისტრომ 2010 წლის 3 ნოემბერს აუქციონის წესით „აკად. გ. ჩაფიძის სახელობის გადაუდებელი კარდიოლოგიის ცენტრი” 1 250 000 აშშ დოლარად გაყიდა.
როგორც ნეტგაზეთს ეკონომიკისა და მდგრადი განვითარების სამინისტროს პრეს-სამსახურმა განუცხადა, აღნიშნული კლინიკა შპს ”ივერმედმა” იყიდა. მათი თქმით, აუქციონის პირობების თანახმად, კარდიოლოგიის ცენტრის ჯანდაცვის პროფილით ფუნქციონირების უზრუნველყოფა შესაბამისი ოქმის გაფორმებიდან 7 წლის განმავლობაში მოხდება. ამავე დროს, შპს “აკად. გ. ჩაფიძის სახელობის გადაუდებელი კარდიოლოგიის ცენტრი”-ს ბაზაზე სრულფასოვანი კარდიოლოგიური რეაბილიტაციის სამსახური შესაბამისი ხელშეკრულების გაფორმებიდან 3 წლის განმავლობაში შეიქმნება.