საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის მიერ გამოცხადებული წინასაკვალიფიკაციო შერჩევა დასრულებულია. ტენდერში მონაწილეობის სურვილი 10-მა კომპანიამ გამოთქვა. გამარჯვებული კომპანია იმერეთში ახალ შემოვლითი გზას დააგებს, რომელიც რეგიონს სატრანზიტო ნაკადებისაგან განტვირთავს.
გზის სიგრძე 60 კმ-ია და იგი E60 ჩქაროსნული ავტომაგისტრალის ერთ-ერთი სეგმენტია. აღნიშნული ტენდერი მეტად მნიშვნელოვანია, ვინაიდან პროექტის დასრულების შემდეგ ქუთაისში, ზესტაფონსა და სამტრედიაში მოძრაობა განიტვირთება. ახალი გზის გასწვრივ განვითარდება ინფრასტრუქტურაც.
ზესტაფონი-ქუთაისი-სამტრედიის საავტომობილო გზის მშენებლობა-მოდერნიზაციის სამუშაოები იაპონიის საერთაშორისო ურთიერთობათა ასოციაციის (JICA) დაფინანსებით განხორციელდება.
