ნეტგაზეთი | საქართველო მზადაა ირანათან თავისუფალი სავიზო რეჟიმის დასამყარებლად საქართველო მზადაა ირანათან თავისუფალი სავიზო რეჟიმის დასამყარებლად – Netgazeti
RU | GE  

საქართველო მზადაა ირანათან თავისუფალი სავიზო რეჟიმის დასამყარებლად

საქართველომ  ირანთან უვიზო რეჟიმის შეთანხმება მოამზადა, რომელსაც, სავარაუდოდ, ხელს თბილისში მას შემდეგ მოაწერენ, რაც ქალაქს ირანის საგარეო საქმეთა მინისტრი, მანუჩერ მოტაკი ეწვევა.

საქართველომ  ირანთან უვიზო რეჟიმის შეთანხმება მოამზადა, რომელსაც, სავარაუდოდ, ხელს თბილისში მას შემდეგ მოაწერენ, რაც ქალაქს ირანის საგარეო საქმეთა მინისტრი, მანუჩერ მოტაკი ეწვევა. სექტემბერში, გაეროს  გენერალური ასამბლეის დროს, საქართველოს საგარეო საქმეთა მინისტრი გრიგოლ ვაშაძე ნიუ-იორკში ირანის საგარეო უწყების ხელმძღვანელს უკვე შეხვდა. შეხვედრის დროს, სხვა საკითხებთან ერთად, განიხილეს საქართველოსა და ირანს შორის თავისუფალი სავიზო რეჟიმის დამყარება. საქართველოს საგარეო საქმეთა მინისტრის მოადგილის, ნინო კალანდაძის განცხადებით, ორ ქვეყანას შორის სიტყვიერი შეთანხმება უკვე მოხდა და მხოლოდ იურიდიული მხარეა მოსაგვარებელი, რომელიც მინისტრის ვიზიტისას გადაწყდება. ირანის საგარეო საქმეთა მინისტრის ვიზიტი, ობიექტური მიზეზების გამო, რამოდენიმეჯერ გადაიდო. საქართველოში იმედოვნებენ, რომ მანუჩარ მოტაკი თბილისში 3-4 ნოემბერს ჩამოვა.

ნეტგაზეთის მასალების სხვა გამოცემებში გადაბეჭდვის წესი
netgazeti.ge