ქობულეთის ტურისტულ ზონაში სასტუმროების აშენების სურვილი სომხეთმა, აზერბაიჯანმა, ბელორუსმა, ესპანეთმა და ისრაელმა გამოთქვეს. ამის შესახებ რადიო „კომერსანტი“ იუწყება. მისივე თქმით, ქობულეთის თავისუფალ ტურისტულ ზონაში ბიზნესის დაწყების სურვილი 22-მა ადგილობრივმა და უცხოელმა ინვესტორმა დაადასტურა. მათ შორისაა რუსეთიც. ეს ერთი კვირის წინანდელ მონაცემთან შედარებით გაორმაგებული მაჩვენებელია. ქობულეთის ტურისტულ ზონაში სამშენებლო მიწის ნაკვეთის განკარგვა განხორციელდება სიმბოლურ ფასად; დამტკიცებული საპროექტო-სამშენებლო დოკუმენტაცია დამკვეთს უსასყიდლოდ გადაეცემა; ტერიტორია უზრუნველყოფილი იქნება საინჟინრო-კომუნალური ქსელებით და სათანადო ინფრასტრუქტურით; განაცხადები მიიღება ამ/წლის 30 ოქტომბრამდე.