უწყების მიერ გამოთხოვილ იქნა და დამუშავდა 2008-2014 წლების ინფორმაცია ნავთობპროდუქტების სფეროში მოქმედი 300-ზე მეტი ეკონომიკური აგენტისგან, სახელმწიფო უწყებებისა და სხვა სტრუქტურებისგან;

 

მოკვლევის ფარგლებში, კონკურენცის სააგენტომ, ასევე, ინფორმაცია გამოითხოვა სსიპ – შემოსავლების სამსახურისგან, ფინანსთა სამინისტროს საგამოძიებო სამსახურისგან, სახელმწიფო შესყიდვების სააგენტოსგან, მეზობელი სახელმწიფოებიდან და სხვა უწყებებიდან;

 

იმავდროულად, სააგენტო ახორციელებს ეკონომიკური აგენტებისგან ახსნა-განამრტებების მიღებასა და ოქმების შედგენას;

 

“მიმდინარეობს ინფორმაციის საბოლოო შეჯერებისა და ანალიზის პროცედურები”, აღნიშნულია ანგარიშში.

 

კონკურენციის სააგენტო ნავთობპროდუქტების ბაზრის კვლევაზე 2014 წლის 18 დეკემბრიდან პრემიერ-მინისტრ ირაკლი ღარიბაშვილის დავალებით მუშაობს. პრემიერის მიერ სააგენტოსთვის ანგარიშის წარსადგენად დათქმული 10 დღიანი ვადა 2014 წლის დეკემბერში ამოიწურა.