საპარტნორო ფონდის მენეჯმენტის განცხადებით, ფონდს უკვე გააჩნია ახალი პორტის ტექნიკურ- ეკონომიკური დასაბუთება, აგრეთვე, მისი საწყისი დიზაინი და გენერალური გეგმა.

საერთაშორისო გამოცდილების მქონე საინჟინრო-საკონსულტაციო იაპონურმა კონსორციუმმა -Oriental Consultants Company Limited, რომელიც საპარტნიორო ფონდის დაკვეთით ახორციელებდა კვლევას შავიზღვისპირა აკვატორიაში ახალი პორტის გასავითარებლად, უკვე დაასრულა მუშაობა და პორტისთვის საუკეთესო ადგილად ანაკლია შეარჩია.

როგორც საპარტნიორო ფონდის აღმასრულებელი დირექტორი ირაკლი კოვზანაძე აცხადებს, პორტი, რომელიც ანაკლიაში აშენდება, შეძლებს მსხვილი გემების (ე.წ. „პანამაქსის“) მომსახურებას: 

„საერთაშორისო კვლევების მიხედვით საკონტეინერო გადაზიდვების მაჩვენებელი ყოველწლიურად 18 პროცენტით იზრდება, რამაც დღის წესრიგში დააყენა საქართველოში ახალი პორტის აშენების საჭიროება. მით უმეტეს, რომ ჩვენს მოქმედ პორტებს: ბათუმსა და ფოთს პრაქტიკულად ათვისებული აქვთ საკუთარი სიმძლავრეები