საქართველოს სტატისტიკის ეროვნული სამსახურის ინფორმაციით, საქართველოში განხორციელებული პირდაპირი უცხოური ინვესტიციების მოცულობამ 2011 წლის პირველ კვარტალში 174 მილიონი აშშ დოლარი შეადგინა, რაც 2,3–ჯერ აღემატება 2010 წლის იგივე პერიოდის მონაცემებს და 1,5–ჯერ – 2009 წლის პირველის კვარტლის მონაცემებს.

ყველაზე დიდი მოცულობის (41.4 მილიონი აშშ დოლარი) პირდაპირი უცხოური ინვესტიცია საქართველოში 2011 წლის პირველ კვარტალში კვიპროსიდან განხორციელდა, მეორე ადგილზეა გაერთიანებული სამეფო – 28.7 მილიონი აშშ დოლარი, მას მოსდევს ნიდერლანდები (25,1 მლნ აშშ დოლარი), რუსეთი (19.8 მლნ), ვირჯინიის კუნძულები (ბრიტანეთი) – 19.6 მლნ აშშ დოლარი, თურქეთი (13.9 მლნ), აზერბაიჯანი (11.7 მლნ).

მთლიანობაში ამ ექვსი უმსხვილესი პირდაპირი ინვესტორი ქვეყნის წილმა საქართველოში წელს 86%  შეადგინა. სხვა ქვეყნებმა და საერთაშორისო ორგანიზაციებმა 13.7 მლნ აშშ დოლარის პირდაპირი ინვესტიცია განახორციელეს.