მეხუთე დღე განვლილ დღეებთან შედარებით გაცილებით რიტმული, ორგანიზებული და ხალხმრავალი აღმოჩდა. პირველი მთავარ სცენაზე ჯგუფი Mellow გამოჩდა. ბენდს პირველი დღის ლაინაფში მიუჩინეს ადგილი, თუმცა პირველ დღეს შექმნილი პრობლემების გამო მათ სცენაზე გამოსვლის საშუალება ფესტივალის ბოლო დღეს მიეცათ. 

შემდეგ სცენა უკვე ქართულმა Hard Core-მა დაიკავა. ჯფუგის Scratch the Floor გამოსვლა ალბათ ერთ-ერთი ყველაზე გამორჩეული გახდება აქამდე მსმენელის წინაშე წარმდგარი ქართველი ბენდების ნომრებს შორის. ბენდმა მაყურებლის აყოლიება შეძლო, რასაც შედეგად წინა რიგებში გამართული სლემი და მასობრივი “Jump” მოჰყვა. მოგვიანებით, მთავარ სცენაზე ავიდა წლევანდელი newcomer ბენდის წოდების მფლობელი ჯგუფი Backwarmer. შემდეგ გამოჩდა კიდევ ერთი ქართული ბენდი Afternoon Versian.

Avternoon Version-ის მიერ “გახურებული” სცენა The BearFox-მა დაიკავა. მელიასა და დათვს გვერდს უკვე ბენდის ორი ახალი წევრი უმშვენებდათ. მართალია, პირველი სიმღერა Fall Asleep შეასრულეს, მაგრამ დაძინების საშუალება არავისთვის მიუციათ. მებო ნუცუბიძის ბენდმა სცენა LOUDSpeakers-ს გადააბარა. კიდევ ერთი ცნობილი ქართული ბენდის გამოჩენასაც მსმენელი გულგრილი არ დაუტოვებია. სიმღერას World in my eyes თბილისის ზღვის სანაპიროზე შეკრებილი გულშემატკივრები ლევან ცხვარაძესთან ერთად მღეროდნენ. როგორც ბენდის სოლისტი ამბობს, Tbilisi Open Air-ის სცენაზე დგომა მისი ბენდისათვის დიდი პატივია. 

ქართველი მუსიკოსების შემდეგ ფესტივალის დახურვა საკუთარ თავზე ინგლისურმა ბენდმა, Placebo-მ აიღო. Tbilisi Open Air მსმენელს მომავალ წლამდე დაემშვიდობა.