ბავშვთა და ახალგაზრდობის განვითარების ფონდის 2012 წლის პირველი საგრანტო კონკურსის ფარგლებში პროექტი Tbilisi street dance show დაფინანსდა.
პროექტში მონაწილეობა თბილისის მასშტაბით არსებულ ბრეიქდანსის მოცეკვავე ჯგუფებს შეუძლიათ.
ბავშვთა და ახალგაზრდობის განვითარების ფონდის ინფორმაციით, “პროექტის მიზანია ახალგაზრდა მოცეკვავე ჯგუფებისა და ინდივიდუალური მოცეკვავეების პოპულარიზაცია და ახალგაზრდებში ცხოვრების აქტიური წესის პროპაგანდა”.
მონაწილე გუნდების შეჯიბრების განრიგს კენჭისყრის შედეგად დაადგენენ. შეჯიბრებები იქნება როგორც ჯგუფური, ასევე ინდივიდუალური.
გამარჯვებულ გუნდს ჩემპიონის ტიტული და სპეციალური პრიზები გადაეცემა.
