The Sunday Times ახალგაზრდა ბრიტანელი მილიონერების სიას ადგენს.

ჩამონათვალი 60 ახალგაზრდა მილიონერისგან შედგება, მათი ასაკი 30 წლამდეა.

ახალგაზრდა მილიონერების სიის სათავეში ყველასათვის ცნობილი “ჰარი პოტერი”, 22 წლის მსახიობი დენიელ რედკლიფი მოექცა. მისი ქონება ამჟამად 54 მილიონ ევროს შეადგენს, საიდანაც 6 მილიონი ახალმა ფილმმა The Woman in Black მოუტანა.

ყველაზე მდიდარ ახალგაზრდებს შორის ფილმ Twilight–ის ვარსკვლავი რობერტ პატინსონიცაა. ის 40 მილიონი ევროს მფლობელია.

მილიონერების სიაში ცნობილი მომღერალი ადელი, მსახიობი კირა ნაითლი და “ჰარი პოტერის” სხვა მსახიობებიც შევიდნენ.

სავარაუდოდ, სიის ერთ–ერთი წევრი ბრიტანეთში მოღვაწე ქართველი მომღერალი ქეთი მელუაც იქნება. მისი ქონება დაახლოებით 10 მილიონ ევროს შეადგენს.

29 აპრილს საბოლოო სია The Sunday Times Rich List 2012 გამოქვეყნდება.