“კავკასიურ სახლში” მოკლემეტრაჟიანი ფილმების ჩვენება შედგება

ხვალ, 17:00სთ–ზე, “კავკასიურ სახლში”  სტუდია “თვითმხილველი” და “გოუ ჯგუფი” მოკლემეტრაჟიანი დოკუმენტური ფილმების ჩვენებას მოაწყობს. ჩვენებაზე სამხრეთ და ჩრდილოეთ ოსეთში მცხოვრები ჟურნალისტებისა და მოქალაქე რეპორტიორების მიერ გადაღებული სამი დოკუმენტური ფილმი იქნება წარმოდგენილი: “რატომ?), “ბაბუა აუზბი” და “ალანი: ვლადიკავკაზი–თბილისი”. სამივე ფილმი 2011 წელსაა გადაღებული.
ფილმების ჩვენების შემდეგ დისკუსია გაიმართება, რომელზეც სპეციალურ სტუმრად პოლიტიკური ექსპერტი პაატა ზაქარეიშვილი იქნება მოწვეული.