თბილისის საერთაშორისო თეატრალური ფესტივალის ფარგლებში, დღეს კოტე მარჯანიშვილის სახელობის სახელმწიფო დრამატული თეატრის მცირე სცენაზე სლოვენიური დასის Kolektiv Narobov–ის მიერ დადგმული სპექტაკლი გაიმართება.

სპექტაკლი, სახელწოდებით “Tok-tok” – თეატრალური წარმოდგენაა  კლოუნადის ელემენტებით. იგი სასიყვარულო ურთიერთობებსა და ადამიანების ერთმანეთზე დამოკიდებულებას ეხება. მსახიობები იმპროვიზაციის მეშვეობით ცდილობენ გადმოსცენ, თუ როგორია ადამიანი მაშინ, როდესაც მარტო არ არის.

სპექტაკლში ცოცხლად შესრულებული მუსიკა აჟღერდება.