საქართველოს პედაგოგთა და მეცნიერთა თავისუფალი პროფკავშირი ახალ პრეზიდენტს 30 ოქტომბერს აირჩევს.
პრეზიდენტის არჩევის თარიღი პროფკავშირების აღმასრულებელმა საბჭომ რიგგარეშე სხდომაზე განსაზღვრა.
მანამდე კი #39-ე სხდომაზე საბჭომ ყოფილი პრეზიდენტის მანანა ღურჭუმელიძის გადადგომის შესახებ განცხადება განიხილა.
სპმთპ-ის წესდების თანახმად, პრეზიდენტობის კანდიდატი შეიძლება პროფკავშირის წევრი იყოს, რომელსაც პროფკავშირებში, ხელმძღვანელ თანამდებობაზე, მუშაობის სულ ცოტა სამწლიანი გამოცდილება აქვს და მინიმუმ 5 წლის მანძილზე საქართველოს პედაგოგთა და მეცნიერთა თავისუფალი პროფკავშირის ყრილობის დელეგატია.
კანდიდატობის მსურველთა რეგისტრაცია დღეს დაიწყო და 15 ოქტომბრამდე გასტანს.
