მთავრობის ცნობით, გარდაცვლილთა დაკრძალვის ხარჯებს ქალაქ რუსთავის მერია გაიღებს. პრემიერ-მინისტრის განცხადებით, იგი დარწმუნებულია, რომ მომხდარი ტრაგედიის მიზეზებს ობიექტური გამოძიება დაადგენს.
ხანძარი ქობულეთში მდებარე სასტუმრო “არმაზში” 10 მაისს, დილის 5 საათზე გაჩნდა. რის შედეგადაც სამი მოზარდი დაიღუპა. ხანძარმა სასტუმრო მთლიანად გაანადგურა. პოლიციელებმა, მაშველებმა და მეხანძრეებმა 45 ადამიანის გადარჩენა შეძლეს.
გარდაცვლილთა ოჯახებს მიუსამძიმრეს სახალხო დამცველმა, პრემიერ–მინისტრმა, პარლამენტის თავმჯდომარემ და პრეზიდენტმა.
