სურგულაძე: ბრიტანეთიდან ჩამოტანილი ხელნაწერები რამდენიმე დაწესებულებას გადაეცემა

“საკმაოდ მოცულობითი სამუშაო ჩავატარეთ საანგარიშო პერიოდში, რაც გამოიხატება იმაში, რომ ბევრ ჩვენ პროექტში საკმაოდ დიდი წინსვლა გავაკეთეთ. პირველ რიგში, მინდა გამოვყო ერთი საკითხი, ეს არის დიდი ბრიტანეთის ბიბლიოთეკიდან ქართული ხელნაწერების ჩამოტანის საკითხი, ამის შესახებ მე მცირე ინფორმაცია გავავრცელე, მოხერხდა ბრიტანეთის ბიბლიოთეკაში დაცული 6 ხელნაწერიდ დიგიტალური ვერსიის ჩამოტანა საქართველოში. რამოდენიმე მათგანი საკმაოდ მნიშვნელოვანი ხელნაწერია, იქ არის იერუსალიმის ჯვრის მონასტერში შესრულებული მე–11 საუკუნის დიგიტალიზაციის საკითხი, ასევე პალიმფსესტის ერთი ფურცელი, რომელიც უნიკალურია თავისი შინაარსით, ეს არის ქართულ–ებრაული პალიმფსესტი. ძალიან მნიშვნელოვანია ის, რომ ჩამოვიდა 5 ასლი დიგიტალური ვარიანტის, რომლიდანაც ერთი ხელნაწერთა ეროვნულ ცენტრს გადაეცემა, ერთი- საპატრიარქოს, ასევე, კულტურის სამინსიტროს, საჯარო ბიბლიოთეკას, ერთი კი ჩვენთან დარჩება და იქნება ხელმისაწვდომი მკვლევარებისთვის და ყველასთვის, ვისაც შინაარსი აინტერესებს. ორიგინალი სახე ამ დოკუმენტის ჩვენთან არ არსებობდა და ამ ასლების გადაცემა ჩამოთვლილი დაწესებულებებისთვის განხორციელდება, სავარაუდოდ, მიმდინარე კვირაში”, – განაცხადა მინისტრმა პროექტ “საქართველოს თავრობა ღია მმართველობის ფარგლებში” გამართულ შეხვედრაზე.