ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

გიდი ვლასი ვაწაძე აცხადებს, რომ გუშინ, პირველ აგვისტოს, ძველ თბილისში ტურისტს თავს დაესხნენ და გაძარცვეს.

მისი ცნობით, ტურისტი კლინიკაში იმყოფება.

„კიდევ ერთი უსიამოვნო ფაქტი. გუშინ ჩემს ტურისტს თავს დაესხა 6 ადამიანი, წაართვეს ტელეფონი და ფული და ცემეს.აღენიშნება დაზიანებები მთელს სხეულზე. თავდასხმა მოხდა ძველ თბილისში. ტურისტი იმყოფება კლინიკაში. 6 თავდამსხმელიდან ორი დაიჭირეს“, – წერს ვლასი ვაწაძე.

ნეტგაზეთს შინაგან საქმეთა სამინისტროში განუცხადეს, რომ მომხდარზე გამოძიება სისხლის სამართლის 178-ე მუხლით დაიწყო, რაც ძარცვას გულისხმობს. შსს-ში აცხადებენ, რომ ტურისტზე თავდამსხმელი პირები იდენტიფიცირებული არიან და საგამოძიებო მოქმედებები მიმდინარეობს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.