საქართველოს პრეზიდენტის თანაშემწედ ეროვნული უშიშროების საკითხებში – ეროვნული უშიშროების საბჭოს მდივნად, გიორგი ბოკერია დაინიშნა,- წერს საქართველოს პრეზიდენტის ოფიციალური საიტი.
საქართველოს პრეზიდენტმა, ამერიკის შეერთებულ შტატებში საქართველოს საგანგებო და სრულუფლებიანი ელჩის თანამდებობაზე დასანიშნად თანხმობის მისაღებად, საქართველოს პარლამენტს თემურ იაკობაშვილის კანდიდატურა წარუდგინა.
საქართველოს პრეზიდენტთან კონსულტაციის საფუძველზე, საქართველოს პრემიერ-მინისტრის ბრძანებით, საქართველოს სახელმწიფო მინისტრად რეინტეგრაციის საკითხებში ეკა ტყეშელაშვილი დაინიშნა, რომელიც ვიცე პრემიერ-მინისტრის თანამდებობასაც შეითავსებს.
