პირველ ნოემბერს, სომხეთ-აზერბაიჯანის საზღვარზე გაიმართა მეათე შეხვედრა სომხეთის ვიცე-პრემიერ მჰერ გრიგორიანსა და აზერბაიჯანის ვიცე-პრემიერ შაჰინ მუსტაფაევს შორის. ამის შესახებ ინფორმაცია სომხეთის საგარეო საქმეთა სამინისტროს ოფიციალურ ფეისბუკ გვერდზე გავრცელდა.
“შეხვედრაზე, საზღვრის დელიმიტაციის რეგულაციის მე-7 მუხლის შესაბამისად, მხარეებმა გაცვალეს შეტყობინებები შიდასახელმწიფოებრივი პროცედურების შესრულების შესახებ, რაც საჭიროა რეგულაციის ძალაში შესვლისთვის. მე-7 მუხლი ითვალისწინებს დოკუმენტის ძალაში შესვლას პროცედურების დასრულების შესახებ წერილობითი შეტყობინების მიღების დღეს. მხარეებმა აღნიშნეს რეგულაციის ძალაში შესვლის შესახებ 2024 წლის 1 ნოემბრიდან”, – აღნიშნულია განცხადებაში.
მხარეებმა ასევე გაცვალეს მოსაზრებები საზღვრის შემდგომი დელიმიტაციისთვის მონაკვეთების აღნიშვნის საკითხთან დაკავშირებითაც.
“მიღწეულია შეთანხმება მომდევნო შეხვედრის თარიღისა და ადგილის განსაზღვრაზე. შეხვედრის შემდეგ, კომისიების ხელმძღვანელებმა ცალ-ცალკე განიხილეს სატრანსპორტო კომუნიკაციების საკითხები”, – ნათქვამია გამოცემაში.