ავტომობილის მინების დამუქების წესში ცვლილებები შევიდა. შინაგან საქმეთა სამინისტროს ინფორმაციით, წინა გვერდითა მინის დამუქება, უწყების ნებართვის გარეშე, 60%-მდე იქნება შესაძლებელი. ცვლილება დღეიდან, 3 ივლისიდან შედის ძალაში.
აქამდე მოქმედი წესით წინა გვერდითა მინების დამუქება, ნებართვის გარეშე, მხოლოდ 40%-მდე იყო შესაძლებელი.
ცვლილება არ შეხებია მძღოლის უკან მსხდომი მგზავრების მხარეს განთავსებულ გვერდითა მინებს. მათი დამუქება კვლავ 75%-მდე იქნება შესაძლებელი.
25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.
ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.
დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.
წესებსა და პირობებს დეტალურად შეგიძლია გაეცნო მხარდაჭერის პლატფორმაზე.
