უკრაინის პრეზიდენტის, ვოლოდიმირ ზელენსკის განცხადებით, ლუგანსკის ოლქში მდებარე ქალაქ სევეროდონეცკისთვის ბრძოლამ, შესაძლოა, აღმოსავლეთ უკრაინაში ომის ბედი გადაწყვიტოს.
„ბევრი მიმართულებით დონბასის ბედი ახლა აქ წყდება“, — განაცხადა ვოლოდიმირ ზელენსკიმ.
სევეროდონეცკი აღმოსავლეთ უკრაინაში, ლუგანსკის ოლქის იმ მცირე დასახლებებს შორისაა, რომელსაც ჯერ კიდევ ვერ აკონტროლებს რუსეთის საოკუპაციო ძალები.
ომის მკვლევრები სევეროდონეცკისთვის ბრძოლას მარიუპოლის ალყას ადარებენ. ამჟამად ბრძოლები ქალაქსა და მის შემოგარენში მიმდინარეობს.
ქალაქის დაცვაში მონაწილეობენ ქართველი მებრძოლებიც.