ლუდის მწარმოებელი დანიური ბრენდი Carlsberg შესაძლოა პირველი იყოს, რომელიც ლუდს ქაღალდის ბოთლში ჩამოასხამს. ინფორმაციას ამის შესახებ ადგილობრივი მედია ავრცელებს.

როგორც კომპანიის მიერ გავრცელებულ პრეს-რელიზში ვკითხულობთ, ამ საკითხზე Carlsberg 2015 წლიდან მუშაობს და პარასკევს ორი პროტოტიპი გაასაჯაროეს:

“მიუხედავად იმისა, რომ სასურველი მიზნისთვის ჯერ არ მიგვიღწევია, ორი პროტოტიპი მნიშვნელოვანი ნაბიჯია იმ ამბიციის მიღწევაში, რომელიც გვაქვს დასახული” ,- წერია რელიზში.

რაც შეეხება გასაჯაროებულ პროტოტიპებს, ორივე მათგანი ხის ბოჭკოსგანაა დამზადებული, შიგნით კი დამცავი გარსი აქვს, რათა ლუდის შენახვა იყოს შესაძლებელი.