“მე რბილად ვამბობ, იციან, რომ შეკითხვებზე პასუხი უნდა გასცენ და პანიკაში არიან და მთელი საქართველო უნდათ პანიკაში ამყოფონ”, – აცხადებს ივანიშვილი.
პრემიერ-მინისტრის თქმით, არჩევნებამდე “ეს ოთხეული” ვირტუალური ბედნიერების გავრცელებას ცდილობდნენ მოსახლეობაში ტელევიზიების მეშვეობით.
“ეს ოთხი ადამიანი კი იყო ბედნიერი, მაგრამ ძალადობა მიდიოდა ყველა ოჯახზე… პირველ ადგილზე ვიყავით ევროპაში პატიმრების რაოდენობით”, – აცხადებს ბიძინა ივანიშვილი.
მისივე თქმით, იგივე ხალხი დღეს ცდილობს პანიკა დათესოს მოსახლეობაში: “მერაბიშვილი აპოკალიფსებს ხატავს, უგულავა შეურაცხმყოფელად იხსენიებს ხელისუფლებას…”
ივანიშვილის განცხადებით, ეს ადამიანები, ზუსტად ისევე, როგორც მანამდე უნდოდათ ვირტუალური ბედნიერება გაევრცელებინათ, ახლა სურთ დაარწმუნონ მოსახლეობა, რომ ყველაფერი ცუდად მიდის.